அண்டவெளியில், நட்சத்திரங்கள் உயிருள்ளவை போல மின்னும் இடத்தில், விளாஸ்கேட்ரோ கேலக்ஸியில் ஜோராதியா என்ற ஒரு கிரகம் இருந்தது. அங்கே, ஒளிரும் உயிரினங்களும், அழகான செடிகளும் இருந்தன. அவற்றிற்கு எல்லாம், ஒளியின் தட்டு என்ற ஒரு மந்திரப் பொருள் காவல் காத்தது. அந்த தட்டு வண்ணங்களால் உயிரை உருவாக்க முடியும்.
அற்புதா என்ற தமிழ்நாட்டு விஞ்ஞானி, ஜோராதியாவைப் பற்றி நிறைய கேள்விப்பட்டிருந்தாள்.
எப்படியாவது அங்கு சென்று ஒளியின் தட்டைப் பற்றி ஆராய வேண்டும் என்று அவள் விரும்பினாள்.
ஒரு நாள், அவள் ஒரு விண்கலத்தில் ஜோராதியாவிற்குப் பயணமானாள். மிக நீண்ட விண்வெளி பயணத்திற்கு பின் அவள் ஜொராதியாவை சென்றடைந்தாள்.
ஆனால், ஜோராதியாவில் தரையிறங்கும் போது அவளது விண்கலம் விபத்துக்குள்ளானது.
அற்புதா குகை ஒன்றில் தஞ்சம் புகுந்தாள். அங்கே, ஒளியின் தட்டு மின்னியது. அவள் அதைத் தொட்டதும், ஒரு சக்தி அவளுக்குள் பாய்ந்தது. அவள் கிரகத்தில் உள்ள உயிரினங்களுடன் பேச முடிந்தது. தட்டின் பாதுகாவலரான செலஸ்டாரா என்ற ஒளிரும் உயிரினம் அவளுக்குக் காட்சி அளித்தது.
"அற்புதா, உன்னை ஒளியின் தட்டு தேர்ந்தெடுத்துள்ளது. நீ ஒரு விஞ்ஞானியாக இருப்பதால், இந்த தட்டைப் பயன்படுத்தி ஜோராதியாவின் ரகசியங்களை ஆராய்ந்து, உன் அறிவால் இந்த கிரகத்திற்கு உதவ முடியும்," என்றாள் செலஸ்டாரா.
அற்புதா சந்தோஷப்பட்டாள். அவள் ஜோராதியாவில் சுற்றித் திரிந்து, ஒளியின் தட்டைப் பற்றி ஆராய்ந்தாள். அப்போது அவள் மிராஸ்டன் என்ற இளம் ஜொராதிய விஞ்ஞானியை சந்தித்தாள்.
மிராஸ்டன் ஜோராதியாவின் அதிசயங்களைப் பற்றி நிறைய தெரிந்து வைத்திருந்தான். அவன் உருவத்திலும், உணவு மற்றும் உயிர் வாழும் தன்மையிலும் மனிதர்களை விட முற்றிலும் வேறுபட்டவன்.
"மிராஸ்டன், இந்த ஒளியின் தட்டு எப்படி வேலை செய்கிறது என்று உனக்குத் தெரியுமா?" என்று கேட்டாள் அற்புதா.
"நிச்சயமாக, அற்புதா. இந்த தட்டு வண்ணங்களால் உயிரை உருவாக்க முடியும். ஆனால், அது எப்படி என்பதை இதுவரை யாரும் கண்டுபிடிக்கவில்லை," என்றான் மிராஸ்டன்.
"ஒருவேளை, நாம் இருவரும் சேர்ந்து ஆராய்ந்தால், இதன் ரகசியத்தைக் கண்டுபிடிக்கலாம்," என்றாள் அற்புதா.
அவர்கள் இருவரும் சேர்ந்து ஒளியின் தட்டைப் பற்றி ஆராயத் தொடங்கினார்கள். அவர்கள் பல நாட்கள், பல மாதங்கள் ஆராய்ச்சி செய்தார்கள். அப்போது அவர்களுக்குள் காதல் மலர்ந்தது. வலுப்பெற்றது.
ஒரு நாள், அவர்கள் ஒரு ஆச்சரியமான விஷயத்தைக் கண்டுபிடித்தார்கள்.
"பார், மிராஸ்டன்! இந்த தட்டில் ஒரு சிறிய கல் இருக்கிறது. இதுதான் இந்த தட்டின் சக்தி போல," என்றாள் அற்புதா.
"ஆமாம், அற்புதா. இந்த கல்லை நாம் ஆராய்ந்தால், ஒளியின் தட்டின் ரகசியத்தைக் கண்டுபிடிக்கலாம்," என்றான் மிராஸ்டன்.
அவர்கள் இருவரும் அந்தக் கல்லை எடுத்து, அதை தங்கள் ஆய்வகத்தில் ஆராய்ந்தார்கள். அவர்கள் பலவிதமான சோதனைகள் செய்தார்கள். இறுதியாக, அவர்கள் ஒரு முடிவுக்கு வந்தார்கள்.
"மிராஸ்டன், இந்த கல் ஒரு நட்சத்திரத்தின் சக்தி. இதுதான் ஒளியின் தட்டின் சக்தி," என்றாள் அற்புதா.
"ஆமாம், அற்புதா. இந்த நட்சத்திரத்தின் சக்தியைப் பயன்படுத்திதான் ஒளியின் தட்டு வண்ணங்களால் உயிரை உருவாக்குகிறது," என்றான் மிராஸ்டன்.
அவர்கள் இருவரும் ஒளியின் தட்டின் ரகசியத்தைக் கண்டுபிடித்ததில் மிகவும் மகிழ்ச்சி அடைந்தார்கள்.
ஆனால், அவர்கள் காதலில் பல சிக்கல்கள் இருந்தன. மிராஸ்டனின் உருவம், உணவுப் பழக்கம், உயிர் வாழும் தன்மை ஆகியவை மனிதர்களை விட முற்றிலும் வேறுபட்டவை. அவர்கள் இருவரும் சேர்ந்து வாழ முடியுமா என்று தெரியவில்லை.
"நாம் ஒரு புதிய டெக்னாலஜியை உருவாக்கலாமா? அதன் மூலம் நாம் இருவரும் எந்த உலகத்தில் இருந்தாலும், அந்த உலகத்திற்கு ஏற்ற உருவத்தை மாற்றிக்கொள்ள முடியும்," என்றாள் அற்புதா.
"அது சாத்தியமா, அற்புதா?" என்றான் மிராஸ்டன்.
"நிச்சயமாக, மிராஸ்டன். நாம் பயோ கிரிஸ்டாலஜி (bio crystalogy) என்ற தொழில்நுட்பத்தைப் பயன்படுத்தலாம். இந்த தொழில்நுட்பத்தின் மூலம், நாம் இருவரும் நமது உடல் செல்களை நானோ கிரிஸ்டல்களாக மாற்றிக்கொள்ளலாம். அதன் மூலம் நாம் விரும்பிய உடல் வடிவத்தை பெற முடியும் ," என்றாள் அற்புதா.
அதன் மூலம், ஜோராதியாவில் இருக்கும்போது அற்புதா அந்த கிரகப் பெண்ணாக மாறிவிடவும், இருவரும் பூமிக்கு வரும்போது மிராஸ்டன் மனித உருவத்தையும் எடுத்துக் கொள்ள முடியும்.
"இப்போது நாம் எந்த உலகத்தில் இருந்தாலும், ஒன்றாக வாழலாம்," என்றாள் அற்புதா.
"ஆமாம், அற்புதா. உன்னுடன் இருப்பதுதான் எனக்கு முக்கியம்," என்றான் மிராஸ்டன்.
அவர்கள் இருவரும் தங்கள் காதலைப் பற்றி செலஸ்டாராவிடம் கூறினார்கள். செலஸ்டாரா அவர்களைப் பாராட்டினாள். "நீங்கள் இருவரும் உண்மையாக காதலித்தால், எந்த தடைகளையும் மீறி ஒன்று சேர முடியும்," என்றாள் செலஸ்டாரா.
அற்புதாவும், மிராஸ்டனும் தங்கள் காதலை உறுதிபட நம்பினார்கள். அவர்கள் இருவரும் சேர்ந்து பயோ கிரிஸ்டாலஜி தொழில் நுட்பத்தை உருவாக்கத் தொடங்கினார்கள்!
"என்ன சுந்தர், புது லேப்டாப் வாங்கியிருக்கியா? கலக்கலா இருக்கே!" சிவக்குமார் சுந்தரைப் பார்த்து கேட்டான்.
